မြောက်ဥက္ကလာပမြို့နယ်ရှိ အမှတ် (၂) ရပ်ကွက် အာသာဝတီလမ်း ရှိ ယောက္ခမဖြစ်သူ၏ နေအိမ်တွင် ပဟေဠိဆန်ဆန် သေဆုံးခဲ့သော အသက် ၂၆ နှစ်အရွယ်ရှိ ကျူရှင်ဆရာမ ဒေါ်ထက်ထက်အေးကျော် အသတ်ခံရမှုနှင့် ပတ်သက်၍ ၎င်း၏ အမျိုးသား ဦးရဲမာန်ပြည့်ကို အရှေ့ပိုင်းခရိုင် တရားရုံးက ဇူလိုင်လ ၁၇ ရက်နေ့တွင် အလုပ်ကြမ်းနှင့် ထောင်ဒဏ် ၁၀ နှစ် ချမှတ် ခဲ့ကြောင်း သေဆုံးသူ၏ မိခင် ဒေါ်အေးအေးမြင့်က The Voice သို့ ပြောကြားသည်။
အဆိုပါ အမျိုးသမီး သေဆုံးပြီး တစ်နှစ်နှင့် ခုနစ်လ အကြာတွင် ၎င်း၏ အမျိုးသားကို ရန်ကုန်တိုင်း ဒေသကြီး အရှေ့ပိုင်းခရိုင် တရားရုံး က ထောင်ဒဏ် ၁၀နှစ် ချမှတ်ခဲ့သော်လည်း တရားခံ ဦးရဲမာန်ပြည့်က ဝန်ခံခြင်း မရှိကြောင်း အဆိုပါ အမိန့်ချမှုကို လာရောက် ကြည့်ရှုသူ လူ ခြောက်ဦးခန့်က ပြောကြား သည်။
“အန်တီ လုံးဝ မကျေနပ်သေးဘူး။ အန်တီ့ သမီးလေးကို ဘာကြောင့် ရက်ရက်စက်စက် သတ်ရသလဲ ဆိုတာ သိချင်နေတုန်းပဲ” ဟု ၎င်းမှ ဆိုသည်။
ကျူရှင်ဆရာမ အသတ်ခံရမှုကို မည်ကဲ့သို့ သေဆုံးခဲ့သည်၊ မည်သည့် အတွက်ကြောင့် အသတ်ခံရ သည်ကို အမိန့်ချပြီးသည့်တိုင် ရပ်ကွက်နေသူ များ စိတ်ဝင်စားလျက်ရှိပြီး လူသတ်သည်ဟု အမိန့်ချခံရသူဘက်မှ အယူခံ ဝင်ရန် အစီအစဉ်ရှိကြောင်း လာရောက် ကြည့်ရှုသူ ဦးမောင်မောင်ဆွေက ရှင်းပြသည်။
ယောက္ခမ နေအိမ်တွင် အမျိုးသမီး သေဆုံးမှုကို တွေ့ရှိသည့် ဆရာဝန်၏ အတည်ပြုချက်အရ ဒေါ် ထက်ထက်အေးကျော်၏ ခန္ဓာကိုယ်တွင် သွေးထွက်ခြင်းမရှိဟု ထွက်ဆိုခဲ့သော်လည်း မှုခင်းဆရာဝန်၏ ဆေးစစ်ချက်အရ ၁၃ စင်တီမီတာခန့် အနက်ရှိသော ထိုးသွင်း ဒဏ်ရာကြောင့် ပင်မ သွေးလွှတ်ကြော ပေါက်ပြဲ ဒဏ်ရာဖြင့် သေဆုံးခဲ့သဖြင့် ဖြစ်ပွားခဲ့သော နေရာနှင့် သေဆုံးသူ၏ ခန္ဓာကိုယ်တွင် သွေးများ ပေကျံနေရမည်ဟု ခန့်မှန်းရကြောင်း တရားရုံးတွင် မှုခင်း ဆရာဝန်၏ ထွက်ဆိုချက်ကို ကိုးကား၍ သေဆုံးသူ၏ ဘကြီး တော်စပ်သူ ဦးစိန်ဝင်းက ပြောကြားသည်။
သက်သေခံ ပစ္စည်းအဖြစ် ဓားတစ်လက်၊ ကတ်ကြေး တစ်လက်နှင့် မှန်ကွဲစ တစ်ခုကို သိမ်းဆည်းခဲ့ သော်လည်း သေဆုံးသူ၏ ဒဏ်ရာနှင့် ကိုက်ညီမှုမရှိဟု တရားသူကြီးက ပြောကြားခဲ့ကြောင်း အဆိုပါ အမိန့်ချမှုကို လာရောက် ကြားနာသူ ဦးမောင်မောင်ဆွေက ပြောကြားသည်။
မည်သူမဆို လူသတ်မှု ကျူးလွန်လျှင် ထိုသူကို တစ်သက်တစ်ကျွန်း ဒဏ်ဖြစ်စေ၊ ဆယ်နှစ်အထိ အလုပ်ကြမ်းနှင့် ထောင်ဒဏ်ဖြစ်စေ ချမှတ် ရမည့်အပြင် ငွေဒဏ်လည်း ချမှတ်နိုင်သည်ဟု ရာဇသတ် ကြီး ပုဒ်မ ၃၀၂/၂ တွင် ဖော်ပြထားသည်။
မြောက်ဥက္ကလာပမြို့နယ် အမှတ် (၂) ရပ်ကွက်၊ အာသာဝတီလမ်းရှိ ၎င်း၏ ယောက္ခမအိမ် အမှတ် (၅၁၇) တွင် ၂၀၁၁ ခုနှစ် နိုဝင်ဘာလ ၁၉ရက်နေ့က ကျူရှင် ဆရာမ ဒေါ်ထက်ထက်အေးကျော်သည် ထိုးသွင်း ဒဏ်ရာ၊ ဖူးရောင် ဒဏ်ရာ ပေါက်ပြဲ ဒဏ်ရာ အပါအဝင် စုစုပေါင်း ဒဏ်ရာ ၁၈ ချက်ဖြင့် သေဆုံးခဲ့ခြင်းဖြစ်ပြီး အမှု ဖြစ်ပွားစတွင် မြောက်ဥက္ကလာပ ရဲစခန်းက သေမှုသေခင်းဖြင့်သာ အမှုဖွင့် စစ်ဆေးမှုအပေါ် ရပ်ကွက် ပြည်သူများက မကျေနပ်၍ ရပ်ကွက်တွင်း လူပေါင်း ၁၈၂ ဦးက လက်မှတ်ထိုး လက်ဗွေနှိပ် ကာ ၂၀၁၁ ခုနှစ် ဒီဇင်ဘာ ၂၆ ရက်နေ့တွင် နိုင်ငံတော် သမ္မတရုံးထံ စာတင် တိုင်ကြားခဲ့သည့် နောက်ပိုင်း မှုခင်း ရဲတပ်ဖွဲ့က လာရောက် စုံစမ်း အမှုဖွင့်ပေးခဲ့ကြောင်း ဒေသခံများက ပြောကြားသည်။
The Voice Weekly
